Ceir sylwadau
llym a digon beirniadol o'r Cymry Cymraeg mewn llyfr sydd
newydd ei gyhoeddi am y profiad o ddysgu Cymraeg ar gwrs Wlpan,
You Don't Speak Welsh! Yn ôl yr awdures, Sandi Thomas,
mae agwedd y Cymry Cymraeg at ddysgwyr yn anghredadwy: "Os
ydyn nhw am i'r Gymraeg barhau, pam eu bod yn gwrthod siarad
yr iaith gyda dysgwyr?" Ategir y teimlad rhwystredig
yma sawl tro yn y gyfrol, sy'n gofnod o'r profiadau pleserus
a phoenus o ddysgu Cymraeg ar gwrs Wlpan yn Aberystwyth: "Why
must the most frightening, the most intimidating part of learning
Welsh be the fear of speaking it in public?"
Ceir darlun gwahanol
a diddorol tu hwnt o Gymru a'i diwylliant o safbwynt Americanes
yn y gyfrol, yn ogystal â'r problemau enbyd mae rhywun
yn ei gael wrth ddysgu'r iaith. Bydd unrhyw ddysgwr yn gallu
uniaethu gyda phroblemau'r awdur gyda threiglo ac ynganu:
('There must be a better word for library than "thluhvurhrgethl"')
a bydd y gyfrol yn sicr yn ddefnyddiol a phwrpasol i athrawon
a thiwtoriaid.
Yn ogystal â
beirniadu'r Cymry mae Sandi Thomas, sy'n Americanes o Galifornia,
yn datgan ei chariad at Gymru a'r iaith Gymraeg: "Dysgu
Cymraeg yw un o'r pethau gorau dwi erioed wedi wneud - mae
e wedi agor byd newydd i fi, a dwi yn gobeithio bod yn rhugl
yn y Gymraeg a symud i fyw i Gymru rhyw ddydd."
Yn ôl Lefi
Gruffudd ar ran Y Lolfa: "Mae'r gyfrol yn rhoi golwg
ffresh o Gymru a'r Gymraeg - golwg rhywun o'r tu allan sy'n
rhyfeddu at bopeth - bydd yn agoriad llygad i'r Cymry Cymraeg
sy bob amser yn cymryd pethau mor ganiataol."
You Don't Speak
Welsh!
Sandi Thomas
086243 585 4
£5.95
Cyhoeddwyd gan Dinas
Dyddiad Cyhoeddi: 18.6.01.
[back]
|